🔫 12 верасня 1964 года ад рака ва Уэльсе памёр пісьменнік, авантурнік і ўраджэнец Брэстчыны Сяргей Пясецкі. Нарадзіўся 1 красавіка 1901 года ў мястэчку 🏯 Ляхавічы (сёння Брэсцкая вобласць). Нарадзіўся ў сям'і беларускі і зрусіфікаванага паляка. У сёмым класе гімназіі Пясецкі апынуўся ў турме пасля канфлікту са школьным інспектарам. З турмы ён тады проста ўцёк. Падчас Кастрычніцкага пераварота 1917 года ён быў у Маскве, дзе стаў антыкамуністам. У 1918 годзе вярнуўся ў Мінск, а потым далучыўся да партызанскіх атрадаў і польскай арміі. У 1921 годзе Пясецкі пераехаў у Ракаў і заняўся кантрабандай, адначасова працуючы польскім разведчыкам. У 1927 годзе польскі суд асудзіў яго на 15 гадоў турмы. У зняволенні Пясецкі адкрыў свой літаратурны талент, пачаў пісаць, а яго першая кніга, «Каханак Вялікай Мядзведзіцы», мела вялікі поспех. Падчас Другой сусветнай вайны Пясецкі быў у шэрагах Арміі Краёвай, кіруючы аддзелам па выкананні смяротных прысудаў. У 1946 годзе эміграваў на Захад, дзе працягваў займацца літаратурнай дзейнасцю. 💫 Пахаваны ў Гасцінгсе, Вялікабрытанія. На яго надмагіллі высечанае сузор'е Вялікай Мядзведзіцы, якім карысталіся кантрабандысты, пераходзячы савецка-польскую мяжу пад Ракавам. Летась, 29 верасня 2025 года, у Варшаве з удзелам прэзідэнта Польшчы Караля Наўроцкага адбылася ўрачыстая цырымонія перапахавання парэшткаў пісьменніка Сяргея Пясецкага. Яго пахавалі на Вайсковых могілках на Павонзках у польскай сталіцы.