✊ 11 верасня 1982 года ў мястэчку 🪷Мікашэвічы 🪷 Лунінецкага раёна Брэсцкай вобласці нарадзілася лідарка дэмакратычных сіл Беларусі Святлана Ціханоўская. У 12 гадоў Святлана Піліпчук упершыню трапіла ў Ірландыю па праграме «Дзеці Чарнобыля» і жыла ў пасёлку Роскрэй. У 2000 годзе яна скончыла сярэднюю школу № 2 у Мікашэвічах з залатым медалём. Пасля школы Святлана вучылася ў 🦅Мазырскім педуніверсітэце, жыла ў ❌Гомелі, дзе выйшла замуж за Сяргея Ціханоўскага. У сям’і нарадзілася двое дзяцей. У 2020 годзе, калі ЦВК адмовіла ў рэгістрацыі ініцыятыўнай групы Сяргея, Святлана літаральна за гадзіну да заканчэння тэрміну падала дакументы на рэгістрацыю сваёй каманды. Затым адбылося затрыманне Сяргея, выбары, на якіх беларусы і беларускі аддалі большасць галасоў Святлане, і прымусовая высылка з краіны. Сёння віншуем Святлану Ціханоўскую з днём нараджэння і з нецярпеннем чакаем яе вяртання ў родную Брэсцкую вобласць у вольнай Беларусі.