❤️Сёння магло б споўніцца 46 гадоў баранавіцкаму актывісту, праваабаронцу і ўраджэнцу Брэстчыны Алесю Пікулу. Нарадзіўся 6 верасня1980 года ў 🚂 Баранавічах. У канцы 1990-х — старшыня «Маладога Фронту» ў Баранавічах. Пасля — старшыня Баранавіцкага філіяла Партыі БНФ. Шмат разоў затрымліваўся міліцыяй за правядзенне акцый. Актывіст Баранавіцкага філіяла «Вясна». Падчас выбараў 2006 года прэвентыўна затрыманы, афіцыйна — за брыдкаслоўе. Раптоўна памёр на 29-м годзе жыцця 7 траўня 2009 года. Адзін з лідараў праваабарончага цэнтра «Вясны», былы палітвязень Валянцін Стэфановіч у 2009-м гэтак узгадваў Алеся: «Памятаю Алеся Пікулу вельмі добра. Узгадваецца справа, калі міліцыянты зламалі яму руку і мы спрабавалі дамагчыся праўды ў гэтай справе. Памятаю яго як шчырага і адкрытага чалавека. Шкада, што такія людзі сыходзяць».