🪶5 год без ураджэнца Брэстчыны — Алеся Разанава. 26 жніўня 2021 года не стала выбітанага беларускага паэта. Нарадзіўся 5 снежня 1947 года ў вёсцы Сялец 🌳 Бярозаўскага раёна Брэсцкай вобласці. У 1966 годзе скончыў Сялецкую сярэднюю школу і паступіў на філалагічны факультэт БДУ. У кастрычніку 1968 года Алесь Разанаў разам са жменькай аднадумцаў пачалі збор подпісаў, каб на беларускім аддзяленні філфака БДУ ўсе прадметы выкладаліся на беларускай мове. Пад тым патрабаваннем падпісалася некалькі сотняў чалавек, а сам факт яго з’яўлення выклікаў вялікі розгалас. У 1969 годзе Алесь Разанаў перавёўся ў Брэсцкі педагагічны інстытут, які скончыў у 1970 годзе. Працаваў настаўнікам беларускай мовы і літаратуры ў вёсцы Кругель Камянецкага раёна Брэсцкай вобласці. З 1972 года жыў і працаваў у Мінску — быў супрацоўнікам газеты «Літаратура і мастацтва». У 1974–1986 гадах — рэдактар выдавецтва «Мастацкая літаратура». * * * Залевы. Дражняць міражы. Гудуць вятры пры падыходзе... Мы кожны дзень на рубяжы былых i будучых стагодзьдзяў. * * * Перакладаю шэпт дажджу, пагляд вачэй, трымценьне гаю... Кранаю, слухаю, гляджу, я не пішу — перакладаю. * * * Ня вернецца воін, вандроўнік ня вернецца, вернецца сейбіт... Заўсёды вяртаецца сейбіт.