❌ 111 год таму 🏹 Брэст занялі нямецкія войскі ў часе Першай сусветнай вайны. 25 жніўня 1915 года аўстра-нямецкія злучэнні пасля баёў увайшлі ў горад. У ноч з 23 на 24 жніўня 4-я армія Расійскай імперыі, атачаная з флангаў войскамі Кёвеша і 4-й германскай арміі, пачала адступленне. На світанку 24 жніўня нямецкія войскі выявілі, што акопы, якія дагэтуль упарта трымалі расійцы, апусцелі. 10-ы рэзервовы корпус рушыў услед і 25 жніўня выйшаў да ракі Лясной. У цэнтры наступу 6-ы аўстра-венгерскі корпус атакаваў пазіцыі 3-й расійскай арміі, прымусіўшы яе часткі пакінуць умацаванні. На правым крыле групоўкі Макензена Бугская армія ціснула на 2-і і 23-і корпус, якія адступалі на поўнач і поўначны ўсход. Прасоўванне групы армій прынца Леапольда на поўначы і захоп тэрыторыі ўсходняга берага Буга прымусілі камандаванне царскіх войскаў аддаць загад аб эвакуацыі з Брэста. У ноч на 26 жніўня горад быў цалкам пакінуты расійскімі войскамі. Нямецкая акупацыя Брэста працягнулася да канца 1918 года.