🌉 Падчас будаўніцтва моста праз Прыпяць на Брэстчыне разабралі апору больш старога моста. Падчас будаўніцтва новага аўтамабільнага моста праз Прыпяць паміж Лунінецкім і Столінскім раёнамі рабочыя выявілі каменныя апоры старога чыгуначнага моста і сістэму ўмацавання рачнога дна. Новую трасу праклалі па лініі пераправы, якая існавала тут яшчэ ў канцы XIX стагоддзя, паведамляе тэлеграм-канал «Спадчына». Адну з гістарычных апор разабралі экскаватарамі, бо яна замінала будаўніцтву. Пры гэтым застаецца незразумелым, чаму рэшткі старога моста не выявілі яшчэ падчас праектавання і даследавання рачнога дна. Чыноўнікі абяцаюць зрабіць з гістарычнай цэглы і камянёў памятны знак. Яшчэ адзін фрагмент апор захаваўся на беразе Прыпяці, дзе пачынаецца Столінскі раён. Фота: pinskmedia