🎧 Ураджэнец Брэста Макс Шчур выдаў альбом з песнямі, запісанымі больш за 20 гадоў таму. Паэт, пісьменнік і музыка Макс Шчур выпусціў на стрымінгавых платформах альбом сольнага праекта «Паддашша» — «20+ запісаў, якім 20+ гадоў». У альбом увайшлі акустычныя песні, запісаныя ў хатніх умовах у 2005 годзе і рэканструяваныя з дапамогай штучнага інтэлекту. Пры гэтым гучанне дзвюх гітар і голасу захавала атмасферу кватэрнікаў канца 1990-х. Кампазіцыі размешчаныя ў храналагічным парадку — ад песні, прыдуманай яшчэ ў Мінску, да найбольш позняй. Сам аўтар называе іх жанр «кухонна-інтэрнацкім андэграўндам» або акустычным панк-фолкам. Галоўныя тэмы альбома — каханне, эміграцыя і валацужны лад жыцця. Большасць тэкстаў была напісаная ў 1999–2001 гадах. Раней асобныя песні траплялі ў зборнікі «Барды Свабоды» і публікаваліся ў жывым выкананні на YouTube. Цяпер яны ўпершыню выйшлі разам як асобны праект. Слухаць на Youtube Music Apple Music Deezer