Белорусский Союз Журналистов

Каб дзеці і ўнукі не забыліся, што яны - беларусы. Міністр інфармацыі сустрэўся з беларускімі пісьменнікамі Тэмы папулярызацыі беларускай мовы і літаратуры абмяркоўваліся 10 лістапада на сустрэчы міністра інфармацыі Дзмітрыя Жука з актывам Саюза пісьменнікаў Беларусі. Пашыранае пасяджэнне прэзідыума Саюза пісьменнікаў ператварылася ў шчырую і цікавую гутарку аб будучыні беларускай літаратуры, аб выкарыстанні сучасных механізмаў і пляцовак для папулярызацыі мовы і літаратуры. "Перад намі стаіць задача - папулярызацыя, захаванне беларускай мовы, каб нашы з вамі дзеці і ўнукі не забыліся, што яны беларусы. Трэба зрабіць больш прывабнай нашу літаратуру перш за ўсё для школьнікаў і студэнтаў", - адзначыў міністр інфармацыі.