🇰🇿🇹🇷 РЕЖЕП ТАЙИП ЕРДОҒАН ҚАСЫМ-ЖОМАРТ ТОҚАЕВТЫ ӘУЕЖАЙДАН ЖЕКЕ ӨЗІ КҮТІП АЛДЫ Президент Қасым-Жомарт Тоқаев Түркияға ресми сапармен келді. Мемлекет басшысын Анкарадағы Этимесгут әуежайында Түркия Президенті Режеп Тайип Ердоған жеке өзі қарсы алды. Мұның дипломатиялық тұрғыдан ерекше мәні бар. Түркияда шетелдік мемлекет басшыларын әуежайдан Президенттің өзі күтіп алуы қалыпты тәжірибе емес. Мұндай ілтипат ерекше құрметтің белгісі саналады. Сондықтан Режеп Тайип Ердоғанның Қазақстан Президентін әуежайдан жеке өзі қарсы алуы екі ел арасындағы достық қарым-қатынас пен мемлекет басшыларының өзара сыйластығын айқын аңғартады. Қасым-Жомарт Тоқаевтың келуіне орай Құрмет қарауылы сап түзді. Кейін екі ел Президенті әуежай залында аз-кем әңгімелесті.