Құтқарушының ерлігі көбіне қауіп төнген сәтте көрінеді. Ол адам өмірін сақтау үшін өз өмірін қатерге тігіп, қиындыққа тап болған жанға бірінші болып көмекке ұмтылады. Құтқарушылар күніне орай Ақордада Президент Қасым-Жомарт Тоқаев сала қызметкерлеріне мемлекеттік наградалар тапсырды. Мемлекет басшысы олардың еңбегін жоғары бағалап, адам өмірі мен қауіпсіздігін қорғаудағы айрықша рөлін атап өтті. Кейінгі бес жылда құтқарушылар 75 мыңнан астам шақырту бойынша 240 мыңға жуық азаматқа көмек көрсетті. Соңғы үш жылда салаға 3 мыңға жуық техника сатып алынып, 60-қа жуық өрт сөндіру депосы мен құтқару станциясы салынды. Құтқарушыларға құрмет – адам өмірін қорғауға арналған адал қызметке құрмет. Қазақстанның бейбіт күн батырларына алғысымыз шексіз! Мерекелеріңізбен!