Սեպտեմբերի 27-ին Վոլգոգրադի հայ համայնքը նշեց քաղաքի առաջին հայկական եկեղեցու կառուցման և օծման 23-րդ տարեդարձը: Սուրբ և Անմահ Պատարագը մատուցեց տեղի հոգևոր հովիվ Տեր Մաղաքիա քահանա Օհանյանը: Տեր հայրն օրհնության իր խոսքում շնորհավորեց համայնքի անդամներին ու ներկա հյուրերին: 2003 թվականի սեպտեմբերի 27-ին Ռուսաստանի և Նոր Նախիջևանի հայոց թեմի առաջնորդ Տեր Եզրաս արքեպիսկոպոս Ներսիսյանի ձեռամբ օծվեց և հանդիսավոր բացվեց Սուրբ Գևորգ եկեղեցին։ Այդ օրվանից սկսած ձևավորվեց եկեղեցասեր ու նվիրյալ մի համայնք, որն ամեն կիրակի մասնակցում է պատարագներին, եկեղեցական արարողություններին, ազգային տոնակատարություններին՝ իրենց հավատով ու ծառայասիրությամբ դառնալով սիրո ու բարության հունդերի սերմնացան: Սուրբ Պատարագին ներկա էին Վոլգոգրադի մարզային իշխանության և տեղի Ռուս Ուղղափառ Եկեղեցու ներկայացուցիչներ։ Հավարտ Սբ. Պատարագի՝ եկեղեցու բակում բաժանվեց մատաղ, տեղի ունեցավ տոնական միջոցառում` հայորդյաց տան սաների մասնակցությամբ։