Նիկոլ Փաշինյանը վերջին երկու օրերին ակտիվորեն անդրադառնում է այսպես կոչված խաղաղության պայմանագրին, որի ստորագրման համար մի շարք նախապայմաններ դեռ կան, այդ թվում՝ Ալիևի պահանջով սահմանադրության ընդունում։ Դե ասում է՝ առաջիկայում պետք է կենտրոնանալ ստորագրելու, վավերացնելու վրա։ Կայուն խաղաղության համար անհրաժեշտ է ռազմական զսպման համակարգ։ Ադրբեջան զենք տեղափոխող օդանավերը անընդհատ չվերթների մեջ են, Հայաստանը զենքը շատացնելու փոխարեն շատացնում է Պ նախարարի աշխատավարձը։ Խաղաղության կարևոր պայման է նաև ներքին իրավիճակը, դաշնակիցների առկայությունը և այլն։ Բոլոր դեպքով էլ ունենք դեֆիցիտ։ Ոչ միայն ՀԱՊԿ-ում անդամություն են սառեցրել, այլև արդեն քննարկում են ռուսական ռազմաբազան դուրս բերելու հարցը։ Հետևանքները լինելու են պարզապես աղետալի։ Իսկ թշնամու գործողությունները, նպատակները զսպելու ի՞նչ միջոց ունի Հայաստանը։ Խաղաղության պայմանագիր կլինի՞, թե ոչ․ Թուրքմենստանում հանդիպել է Ալիևին ու տպավորություն ստացել, որ հնարավորություն կա։ Պատերազմից առաջ էլ սա տպավորություն ուներ, որ Ալիևը կիրթ է ու կառուցողական․․․