Արդեն 28 օր հացադուլի մեջ գտնվող Աշոտ Բադալյանը ծայրահեղ քայլի է դիմել, քանի որ դատական գործընթացը ձգձգվում է, հայտնել է նրան այցելած ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, ընդդիմադիր «Հայաստան» խմբակցության անդամ Լիլիթ Գալստյանը «Աշոտը նաև մեղմացուցիչ հանգամանքներ ունի, որովհետև ինքն է ներկայացել քննչական մարմին իր փաստաբանի հետ, և նաև անչափահաս երեք երեխաների հայր է, կինը չի աշխատում, երեխաներից մեկն ունի աուտիզմ»,- ներկայացնում է Գալստյանը։ Նա դիմել է ՀՀ գլխավոր դատախազին՝ հույս հայտնելով, որ Բադալյանի խափանման միջոց կալանավորումը կվերանայվի։ @ArmeniaSputnik