☄️Türkiyənin cənub-şərqində S-70 hərbi helikopteri qəzaya uğrayıb Türkiyənin Müdafiə Nazirliyi ölkənin cənub-şərqində S-70 tipli hərbi helikopterin qəzaya uğradığını açıqlayıb. Qəza nəticəsində helikopterdə olan 4 Türkiyə hərbçisi həlak olub. Hadisənin səbəbi hələlik məlum deyil. Qeyd edək ki, bu, cari ilin əvvəlindən Türkiyədə baş verən üçüncü hərbi aviasiya qəzasıdır. Bundan əvvəl iki F-16 qırıcı təyyarəsi də qəzaya uğramışdı.