𝐀𝐫-𝐑𝐚𝐝 𝐢𝐧𝐟𝐨

Bir kişi Kərim xan Zəndin sarayına gedərək fəryad edib şikayət etməyə başlayır. Kərim xan bunun səbəbini soruşanda kişi sərt şəkildə deyir: “Oğru bütün mal-dövlətimi aparıb!” Kərim xan soruşur: “Malın oğurlananda sən harada idin?” Kişi cavab verir: “Yatmışdım.” Kərim xan deyir: “Yatmışdın ki, gəlib malını aparsınlar?” Kişi cavab verir: “Mən yatmışdım, çünki elə bilirdim ki, sən oyaqsan” Kərim xan susur. Sonra göstəriş verir ki, kişinin zərəri dövlət xəzinəsindən ödənilsin və sonda belə deyir: “Bu adam düz deyir. Biz ayıq olmalıyıq!” Adil hökmdarlar — Qulamrza Cəmali Azərbaycan Araşdırma Mərkəzi