𝐀𝐫-𝐑𝐚𝐝 𝐢𝐧𝐟𝐨

Şah Təhmasibin qızının İmam Rzaya məhəbbəti Şah Təhmasibin qızı Məhinbanu bir gün yuxusunda görür ki, İmam Rza (ə) onu hərəminə dəvət edir və o, müqəddəs hərəmə öz qızıl və cəvahiratını vəqf edir. Məhinbanu yuxudan oyandıqdan sonra atası Şah Təhmasibdən icazə alaraq qiymətli əşyaları ilə birlikdə Məşhəd şəhərinə yola düşür. Ziyarətini başa vurduqdan sonra rəsmi vəqfnamə tərtib etdirir. Vəqfnamədə belə yazılır: "Mən Mehinbanu, Şah Təhmasib Səfəvinin qızı, bütün cəvahiratımı İmam Rza (ə)-ın hərəminə təqdim edirəm. Ümid edirəm ki, görüş anında mənə şəfaət etsinlər. Bu az mal mənim dünyadan sahib olduğum bütün var-dövlətimdir" Həmin cəvahiratlar hazırda digər tarixi vəqflərlə birlikdə İmam Rza Hərəmində qorunub saxlanılır. Azərbaycan Araşdırma Mərkəzi