⚡️ASELSAN-ın 1,1 milyard dollarlıq HHM müqaviləsində adı açıqlanmayan müştərinin Azərbaycan olduğu bildirilir Türkiyənin ASELSAN şirkətinin hava hücumundan müdafiə (HHM) sistemlərinin ixracı üzrə imzaladığı 1,1 milyard ABŞ dolları dəyərində müqavilənin Azərbaycana aid olduğu bildirilir. Daha əvvəl “Poliqon” nəşri ASELSAN şirkətinin beynəlxalq müştəri ilə HHM sistemlərinin satışı üzrə ixrac müqaviləsi imzaladığını xəbər vermişdi. Şirkətin yaydığı məlumatda müqavilənin ümumi dəyərinin 1,1 milyard ABŞ dolları olduğu bildirilsə də, müştərinin adı və müqavilənin əhatə etdiyi HHM sistemlərinin növləri açıqlanmamışdı. Lakin noyabrın 10-da “Global Defense Corp” nəşri dərc etdiyi məlumatda ASELSAN şirkətinin 1,1 milyard dollarlıq müqavilə çərçivəsində Azərbaycan üçün hava hücumundan müdafiə sistemləri istehsal edəcəyini bildirib. Beləliklə, “Global Defense Corp” nəşrinin məlumatına əsasən, ASELSAN-ın əvvəlki açıqlamasında adı qeyd olunmayan beynəlxalq müştəri Azərbaycandır. Bununla belə, müqavilə çərçivəsində Azərbaycana hansı HHM sistemlərinin tədarük ediləcəyi barədə məlumat verilməyib. #Türkiyə #Azərbaycan Abunə olun 🟢 Ar-Rad GA