🔯 BÖYÜK MÜHARİBƏ ƏRƏFƏSİNDƏ...\ (Qısa təhlil) Yaxın Şərqdə vəziyyət getdikcə gərginləşir... Tramp İrana zərbə endirib geri çəkilmək niyyətindədir... “İranda nə itirmişiksə, Venesueladan onun on qatını əldə etmişik. Problem yoxdur... İşlər qaydasındadır!” deyir... Qərb ölkələrinə Rusiyaya qarşı bir qədər daha nəzakətli davranmalı olduqlarını söyləyən Tramp artıq Ukraynanı çoxdan gözündən çıxarıb. Bütün bunlar, eləcə də Çinlə apardığı danışıqlar və Kim Çen Ina ünvanladığı təriflər onun böyük müharibəyə yol vermək istəmədiyini göstərir. Tramp İranla müharibədə işləri korladığının və ciddi müqavimətlə üzləşdiyinin fərqindədir. Ancaq bu vəziyyətdən çıxış yolu da tapmalıdır. O, həmin çıxış yolunu “nüfuz itkisi”nin qarşısını almaq üçün bir zərbə endirib geri çəkilməkdə görür! İsrail isə “ABŞ geri çəkildikdən sonra mən nə edəcəyəm?” sualına cavab axtarır... Buna görə də uzunmüddətli müharibəyə hazırlaşır. Seçkilərdən yenicə çıxmış və əvvəlki müharibələrdə dağılmaq təhlükəsi ilə üzləşmiş ordusu ilə İsrailin nə qədər davam gətirəcəyini görəcəyik. Polşada baş nazir Seneqala səfər edərkən hakimiyyətdəki mövqeyi sarsıldı. Geri qayıtdı, amma görünür, artıq gecdir... Ölkədə “İngiltərə ilə birləşib Rusiyaya meydan oxumaq” təşvişi yaşandığı bir vaxtda baş verənlər fərqli siqnallar verir. Azərbaycan “Hər halda, ABŞ və İsrail arxamdadır” hesabı apararkən, İsrailin raket zərbələri altında sığınacaqlara çəkildiyini gördükdən sonra hansı siyasəti yürüdəcək? Bu, hələlik maraq doğuran sualdır!.. Hicab məsələsinə görə etirazlarla üzləşmək qorxusundan hətta Türkiyəyə də gələ bilməyən Əliyev Yaxın Şərqdən geri çəkilən ABŞ-ı və sığınacaqlarda gizlənən İsraili bir daha görməlidir ki, ağlı başına gəlsin... Burada əsas ölkələrdən biri də Türkiyədir... ABŞ-İsrail ittifaqının İrana qarşı başlatdığı müharibədə daim İranın məzhəbini tənqid edən və molla rejiminin süquta uğrayacağını söyləyən şərhçilər görək bu dəfə televiziya ekranlarında hansı mövzuları qabardacaq, nələrdən danışacaqlar? Suriyada Şaraa hökuməti Həzrət Zeynəbin (ə) məqbərəsinin tanıdılması istiqamətində təşəbbüs göstərib. Dünya şiələrinə “Gəlin, buranı rahatlıqla və arxayın şəkildə ziyarət edin!” mesajı verib. Üstəlik, bunu İraqın baş nazirinin iştirak etdiyi tanıtım videosu vasitəsilə edib. Türkiyədən Dəməşqə, Həzrət Zeynəbin (ə) məqbərəsini ziyarətə gedənlər səfərlərinin olduqca rahat və təhlükəsiz keçdiyini bildirirlər. Onlar Suriya polisinin xüsusilə türkiyəli zəvvarlarla yaxşı rəftar etdiyini və məzhəb zəminində heç bir problemlə üzləşmədiklərini söyləyirlər. Bu isə hökumətin məzhəb məsələsində az da olsa daha ağıllı davranmağa başladığını göstərir. Türkiyə, Pakistan və Səudiyyə Ərəbistanından ibarət ittifaqın nümayəndə heyətinin Tehranda bir araya gəlməsi və problemləri danışıqlar masası arxasında həll etməyə çalışması ümidverici hadisədir. Bu görüş siyasi baxımdan İslam dünyasına rahat nəfəs almaq imkanı yaradıb. Belə görüşlərin intensivləşməsi və müsbət nəticə verməsi region ölkələrinin güclənməsinə səbəb olacaq. Bunun isə İsrail tərəfindən təhlükə kimi qiymətləndiriləcəyi şübhəsizdir... Əgər bu ölkələr ABŞ və İsrailə rəğmən bir araya gələ bilirlərsə, nə üçün sabah və ya birigün yenidən birləşə bilməsinlər? ✡️ Abunə olun