⚡️Azərbaycan mediası Türkiyənin BMT baş katibliyinə namizədini hədəfə alıb Azərbaycanın rəsmi mediası Türkiyənin Birləşmiş Millətlər Təşkilatının Baş katibi vəzifəsinə namizədi Fəridun Sinirlioğlunu hədəfə alıb. Türkiyə Prezidenti Rəcəb Tayyib Ərdoğan Fəridun Sinirlioğlunun namizədliyini irəli sürən məktubu BMT Baş Assambleyasının və Təhlükəsizlik Şurasının sədrlərinə təqdim edib. BMT-nin hazırkı Baş katibi Antoniu Quterreşin səlahiyyət müddəti 31 dekabr 2026-cı ildə başa çatacağı üçün Türkiyə keçmiş xarici işlər naziri Fəridun Sinirlioğlunun bu yüksək vəzifəyə namizədliyini dəstəkləmək məqsədilə diplomatik təmaslar aparır. Bu arada Azərbaycanın Xarici İşlər Nazirliyi sözçüsü Ayxan Hacızadə vasitəsilə Birləşmiş Ərəb Əmirliklərinin dövlət naziri Lana Zəki Nüseybənin namizədliyini alqışladığını açıqlayıb. Yalnız bundan sonra Türkiyənin namizədliyini də alqışlayıb. Məsələ ətrafında mediada müzakirələr başlayıb. Bəzi məlumatlarda bu addımın səbəbi kimi Əbu-Dabinin öz namizədinin dəstəklənməsi üçün Bakıdan rəsmi şəkildə müraciət etməsi, Ankaranın isə belə bir müraciət ünvanlamaması göstərilib. Azərbaycanın dövlət informasiya agentliyi isə diplomatik tənqid çərçivəsindən kənara çıxaraq Sinirlioğluna qarşı şəxsi və siyasi hücuma keçib. Agentlik Sinirlioğlunun özlərini aristokratik təbəqəyə mənsub hesab edən və “təkəbbürlülər” adlandırılan bir qrupa aid olduğunu bildirib. Qeyd edilib ki, bu təbəqənin nümayəndələri uzun illər Türkiyə Xarici İşlər Nazirliyində möhkəmlənərək özlərini cəmiyyətdən üstün tutub, xalqın dəyərlərindən uzaqlaşıblar. Agentliyin iddiasına görə, tarixən bu təbəqə Azərbaycana və türk dünyasına qarşı yuxarıdan aşağı baxan, təkəbbürlü münasibəti ilə seçilib. #BMT #BƏƏ #Türkiyə #Azərbaycan Abunə olun 🟢 Ar-Rad GA