🔯 Sionist rejimlə əlaqələr və Bakının ritorikası: Sosial şəbəkələr Əliyev hakimiyyətinin əsl istiqamətini necə üzə çıxardı? Türkiyənin “Yeni Şafak” qəzeti Azərbaycanda sosial şəbəkələrdə yayılan Türkiyə əleyhinə paylaşımlarda “sionist ejimin izi” aşkar edildiyini bildirib. Mübahisələr sionsit universitet müəllimi və ehtiyatda olan hərbçi Meir Masrinin türk dilində paylaşdığı bir yazı ətrafında başlayıb. O, paylaşımında belə yazıb: “Biz Türkiyəni sevirik, lakin təhdidləri, müdaxiləni və hörmətsizliyi qəbul etmirik”. Mənbənin iddiasına görə, əvvəllər türk dilində heç bir paylaşım etməyən sionist ekspert bu mətni Azərbaycan vətəndaşı adı altında yaratdığı saxta hesabda paylaşmaq əvəzinə, səhvən öz rəsmi səhifəsində yayımlayıb. Diqqətçəkən məqamlardan biri də odur ki, Meir Masri dünən yenidən türk dilində paylaşım edərək belə bir bəyanat səsləndirib: “İsrail Ərdoğanın Azərbaycana və ya Prezident Əliyevə qarşı hörmətsizlik etməsinə imkan verməyəcək”. Sionist politoloqun bu açıqlaması onun Azərbaycan hakimiyyətini müdafiə edən mövqeyini bir daha nümayiş etdirir. Xüsusilə sionist rejimin Türkiyə prezidentinə qarşı belə bir xəbərdarlıqla çıxış etməsi Bakı ilə Tel-Əviv arasındakı münasibətlər barədə yeni suallar doğurur. Bu hadisələr regional proseslər ətrafında formalaşdırılan informasiya mühitinin nə dərəcədə süni şəkildə idarə oluna biləcəyi ilə bağlı ciddi suallar yaradır. Bununla belə, bütün məsuliyyəti “xarici manipulyatorların” üzərinə atmaq cəhdləri daha dərin bir problemi gizlədir. Uzun müddət Ankara ilə müttəfiqliyini bəyan edən Bakı hakimiyyətinin xarici geosiyasi maraqlara nə dərəcədə bağlı olduğu və bu münasibətlərin Türkiyə-Azərbaycan əlaqələrinə necə təsir göstərdiyi artıq daha ciddi müzakirə mövzusuna çevrilir. ✡️ Abunə olun