⚡️ABŞ rəsmisi Ermənistanda investisiyaların genişləndirilməsi imkanlarını müzakirə edib ABŞ Beynəlxalq İnkişaf Maliyyə Korporasiyasının (DFC) siyasət üzrə baş direktoru Karolin Vik bu həftə Ermənistana səfər edib. ABŞ səfirliyinin məlumatına görə, Karolin Vik Ermənistan hökumətinin rəsmiləri və işgüzar dairələrin nümayəndələri ilə görüşlərində iki ölkə arasında iqtisadi əməkdaşlığın dərinləşdirilməsi, ticarət əlaqələrinin gücləndirilməsi və investisiyaların artırılması imkanlarını müzakirə edib. ABŞ səfirliyi, həmçinin 8 avqust 2025-ci ildə ABŞ-ın vasitəçiliyi ilə əldə edilmiş razılaşmanın Ermənistanın iqtisadi inkişafı baxımından əhəmiyyətini vurğulayıb. Səfirliyin bəyanatında bildirilir: “8 avqust 2025-ci ildə ABŞ ilə əldə edilmiş razılaşma Ermənistanın iqtisadi inkişafı və rifahının yüksəldilməsi üçün yeni imkanlar yaradır. Karolin Vikin Ermənistan hökumətinin rəsmiləri və işgüzar dairələrin nümayəndələri ilə keçirdiyi görüşlərdə ticarət əlaqələrinin gücləndirilməsi, investisiyaların genişləndirilməsi, eləcə də Amerika və Ermənistan şirkətləri üçün yeni imkanların yaradılması məsələləri müzakirə olunub.” #ABŞ #Ermənistan #Azərbaycan Abunə olun 🟢 Ar-Rad GA