☄️Türkiyə Prezidentinin baş müşaviri Oktay Saral vəzifəsindən azad edilib. Onun işdən çıxarılmasının Azərbaycanla bağlı verdiyi açıqlamalarla əlaqəli olduğu bildirilir. Türkiyəli jurnalist Talat Atilla Oktay Saralla telefon əlaqəsi saxlayaraq məsələyə aydınlıq gətirdiyini açıqlayıb. Jurnalist Sarala «Vəzifənizdən azad edilmisinizmi?» sualını ünvanlayıb. Oktay Saral cavabında bildirib: «Bəli. Bizim dəyərimiz tutduğumuz vəzifələrlə ölçülmür. Hörmətli Prezidentimiz məni bu vəzifəyə təyin etmişdi, indi də onun göstərişi ilə vəzifəmdən ayrıldım. Heç kimdən incikliyim yoxdur». Talat Atillanın «Bu qərar Azərbaycanla bağlı açıqlamalarınıza görə verilib?» sualına isə Saral belə cavab verib: «Bəli, görünən odur ki, belədir». O, daha sonra əlavə edib: «Əsas olan Türkiyə Cümhuriyyətidir. Əsas olan hörmətli Prezidentimizın uğurudur». Oktay Saral vəzifəsindən uzaqlaşdırılması ilə bağlı başqa bir açıqlamasında da bildirib: «Prezidentimizin verdiyi qərar mənim üçün hər şeydən üstündür. Deməli, belə məsləhət görülüb. Dövlətimiz var olsun!» Bu arada, İlham Əliyev hakimiyyətinə yaxınlığı ilə tanınan azərbaycanlı jurnalist Əziz Əlibəyli də Oktay Saralın vəzifədən azad edilməsinə münasibət bildirib. Əlibəyli açıqlamasında deyib: «Qoy bu, Oktay Saral kimilərinə dərs olsun! Azərbaycan dünyəvi, hüquqi dövlətdir. Məktəb qaydalarını Trabzonun Of rayonundakı hansısa müşavir deyil, Bakı müəyyən edir». #Türkiyə #Azərbaycan Abunə olun 🟢 Ar-Rad İnfo