🇮🇷🇦🇿🇮🇱 İlham Əliyev hakimiyyətinin adı milyardlarla dollarlıq maliyyə əməliyyatlarında hallanır Mövcud sənədlərə görə, Azərbaycan banklarından birindən Donald Trampın kürəkəni ilə əlaqəli hesaba 750 milyon dollar, həmçinin İsrailə 1 milyard dollar köçürülüb. Birinci iddiaya əsasən, adı açıqlanmayan Azərbaycan bankından Birləşmiş Ərəb Əmirliklərindəki bir hesaba təxminən 750 milyon dollar köçürülüb. Bildirilir ki, ABŞ Prezidenti Donald Trampın kürəkəni Cared Kuşner həmin hesabdakı vəsaitlər üzərində sərəncam vermək səlahiyyətinə malik olub. Bu məlumat jurnalist Metyu Koulun Vanity Fair jurnalında dərc edilmiş araşdırmasında yer alır. Koulun məlumatına görə, vəsaitlərin mənbəyi Səudiyyə Ərəbistanı və BƏƏ rəhbərliyi olub, Azərbaycan bankı isə pulun ABŞ dolları ilə xaricə köçürülməsində vasitəçi rolunu oynayıb.