🔴 İslam İnqilabının rəhbəri Həzrət Zeynəbin (s) mövludunun ildönümü və Tibb bacısı günü münasibətilə yaydığı mesajda bu münasibətlə təbriklərini çatdıraraq, tibb bacıları cəmiyyətinin gücləndirilməsinə, onların bilik, bacarıq, qabiliyyət və ləyaqətinin qorunub yüksəldilməsinə diqqət yetirilməsini vurğulayıb. Həzrət Ayətullah Seyid Müctəba Hüseyni Xameneinin mesajının mətni belədir: Bismillahir-Rəhmanir-Rəhim 🔹 Hər il Cəmadiül-əvvəl ayının beşi ilahi yaradılışın ən üstünləri sayılan Xəmsəyi-Təyyibənin — Allahın salavat və salamı ona və onlara olsun — məhəbbəti, tərbiyəsi və yaxınlığı kölgəsində yetişmiş mübarək bir xanımın mövludunu xatırladır. Zeynəbi-Kübranın (s) əlli ildən artıq müddət ərzində bu nurani məktəbdə tərbiyə alıb yetişməsi əsrlərin bu parlaq ulduzunda şərəf və üstünlük ünsürlərinin elə rəngarəng təcəssümünü meydana çıxardı ki, o, daim Allah övliyalarının tərif, təqdir və iftixar mənbəyi olmuşdur. Bu parlaqlığın zirvəsi Aşura qəhrəmanlığında təcəlli etdi. Bir tərəfdən Kərbəla çölünün məzlumlarına qarşı sonsuz şəfqət, xeyirxahlıq və səbirli qayğıkeşlik, digər tərəfdən isə mətanət və şücaətin ən dəyərli rəmzlərindən biri olmaq. 🔹 İslami hərəkat və İnqilabın tarixi ilk gündən etibarən İranın qadın və qızlarının Zeynəbvari iştirak səhnələri ilə doludur. Bu iştirak millətin misilsiz dirçəlişi dövründə — Üçüncü Müqəddəs Müdafiə zamanı heyrətamiz keyfiyyət və miqyas qazandı. Bu gün İslam İranının Zeynəb yolunu davam etdirən qadınları müxtəlif sahələrdə, xüsusilə şəhər və kəndlərdəki meydanlarda fəal iştirakları ilə əməli izah və maarifləndirmənin, eləcə də sərt müharibə cəbhəsinin arxasında müqavimətin öncülləridir. Belə ki, daim bu millətə əzab, ağrı və repressiya arzulayan zəmanənin tağutları özlərində bu böyük ordu ilə qarşılaşmaq qüdrəti görmürlər. 🔹 Pak Əhli-beytə — Allahın salavat və salamı onların hamısına olsun — könüldən bağlı olan bu diyarın insanları Zeynəbi-Kübranın mövlud gününü onun dərdlilərə qarşı mehribanlığı, onlarla həmdil olması və onlar üçün fədakarlıq göstərməsi xüsusiyyətlərini nəzərə alaraq, haqlı olaraq Tibb bacısı məqamının anım günü hesab etmişlər. Çünki bu əxlaqi xüsusiyyətlərin və insani dəyərlərin bir çoxu zəhmətkeş və dəyərli tibb bacıları təbəqəsində aydın şəkildə görünür. Tibb bacısının rolu həkimlər, müəllim və tərbiyəçilər, din xadimləri və xilasedicilər kimi bəzi digər təbəqələrin rolu kimi həyatverici və ümidbəxşdir. Buna görə də bəzən tibb bacısına rəhmət mələyi kimi baxılır. Bu, o zamandır ki, tibb bacısı ağrı və əziyyət çəkən insanların kobud davranışı və səbirsizliyi qarşısında onların sakitləşməsinə, ümid tapmasına, yaxşılaşmasına və müalicəsinə şərait yaradır və nəticədə ilahi rəhmətin nazil olmasına səbəb olur. Əlbəttə, tibb bacılarının xəstələrin müalicəsindəki rolu həkimlərdən fərqli olaraq davamlı, ardıcıl və səbirli iştirak tələb edir. Belə bir iştirakın təsiri fiziki məsələlərdən daha genişdir; o, ruhi və mənəvi ağrılara məlhəm olur və bir çox hallarda ümidsizliyin insan üzərində hakim olmasının qarşısını alır. Beləcə, həkimlərin imkanları xaricində qalan bəzi işlər bu qayğıkeş rolun yerinə yetirilməsi ilə həyata keçirilir. 🔹 İstikbarın xəbis şəbəkəsinin azad və müqavimət göstərən millətlərə, xüsusilə İran xalqına qarşı müxtəlif zülm və cinayətlər törətmək üçün heç bir səydən çəkinmədiyi, o cümlədən müalicə və dərman sahələrində müxtəlif məhdudiyyətlər yaratmaqla böyük İran xalqına əzab verməyə çalışdığı bir dövrdə tibb bacılarına diqqət yetirmək, tibb bacıları cəmiyyətini gücləndirmək, onların bilik, bacarıq, qabiliyyət, ruh yüksəkliyi, motivasiya və ləyaqətini — xüsusilə özlərini qeyri-özəl müəssisələrdə çalışmağa həsr etmiş tibb bacılarının bu keyfiyyətlərini — qorumaq və yüksəltmək cəmiyyətin fiziki və ruhi sağlamlığı və təhlükəsizliyinə mühüm təsir göstərir. Buna görə də səhiyyə sahəsinin məsul şəxslərindən gözlənilir ki, öz məsuliyyətli fəaliyyətlərinin davamı olaraq bu mühüm məsələləri prioritet hesab etsinlər. 🔹 Mən bu iki münasibətlə əziz millətimizi, İslam vətəninin məsuliyyətli və iradəli xanımlarını və xüsusilə tibb bacısı olan bacı və qardaşlarımızı təbrik edirəm. 🔹 Sonda tibb bacıları cəmiyyətinin məzlum və fədakar şəhidlərinə, xüsusilə İkinci və Üçüncü məcburi müharibələrdə, eləcə də 2026-cı ilin yanvar ayı fitnəsində şəhid olmuş tibb bacılarına Allahdan rəhmət diləyirəm. Ümid edirəm ki, Mövlamızın — Allah onun zühurunu tezləşdirsin — duası ilə Uca Allah İran xalqına əvvəlkindən daha artıq izzət və qüdrət, həmçinin Zeynəb (s) məktəbinə tabe olmağa layiq olan hər bir neməti bəxş etsin. Seyid Müctəba Hüseyni Xamenei 16 oktyabr 2026
𝐀𝐫-𝐑𝐚𝐝 𝐢𝐧𝐟𝐨
Subscribers
24.7K
+0 24h
Reach per post (ERR)
10.4%2.6K avg views
Posting
80.1/day
last 26 minutes ago
Reactions per 1K views
62.3
🤬 ❤ 👍
Views over time
| When | Views |
|---|---|
| 16 Oct 2026, 10:40 | 0 |
| 13 Nov 2026, 15:49 | 2.9K |
Who shared this post
Posts in other channels we index that link to this one. (Forwards with a hidden source can't be traced.)
Nobody yet.