⚡️Qırğızıstan Xüsusi Təyinatlı Qüvvələrinin nümayəndə heyəti Azərbaycana səfər edib 2026-cı il üçün ikitərəfli əməkdaşlıq planı çərçivəsində Qırğızıstan Xüsusi Təyinatlı Qüvvələrinin (XTQ) nümayəndə heyəti Azərbaycana səfər edib. Səfər zamanı qırğızıstanlı nümayəndələr Azərbaycan Xüsusi Təyinatlı Qüvvələrinin komandanı, general-mayor Ələkbər Cahangirovla görüşüblər. Görüşdə qonaqlara Azərbaycan XTQ-nin fəaliyyəti barədə brifinq təqdim olunub və onları maraqlandıran suallar cavablandırılıb. Nümayəndə heyətinin rəhbəri göstərilən qonaqpərvərliyə görə minnətdarlığını bildirib və qarşılıqlı təcrübə mübadiləsi baxımından bu cür səfərlərin əhəmiyyətini vurğulayıb. Tərəflər Azərbaycan və Qırğızıstan Xüsusi Təyinatlı Qüvvələri arasında əməkdaşlığın inkişaf perspektivlərini və qarşılıqlı maraq doğuran digər məsələləri müzakirə ediblər. Görüşdən sonra qonaqlara Azərbaycan XTQ-nin istifadəsində olan silah-sursat, təchizat və döyüş texnikası nümayiş etdirilib. Səfərin sonunda Qırğızıstan nümayəndə heyəti Azərbaycan xüsusi təyinatlılarının döyüş hazırlığı üzrə nümunəvi çıxışlarını izləyib. #Qırğızıstan #Azərbaycan Abunə olun🟢Ar-Rad GA