⚡️“Uşaq hər deyilənə inanmağı yox, deyilənin doğru olub-olmadığını yoxlamağı bacarmalıdır.” Uşaqlara deyilənləri araşdırmağı, sübut tələb etməyi və tənqidi düşünməyi öyrətmək vacibdir. Ancaq bu prinsip seçici şəkildə tətbiq olunmamalıdır. Uşaq dini fikirləri sorğulaya bildiyi kimi, dövlətin qərarlarını, məktəb rəhbərliyinin davranışlarını və ictimai təbliğatda irəli sürülən iddiaları da sorğulamaq hüququna malik olmalıdır. Əgər kimsə hicabın təhsil almağa mane olduğunu iddia edirsə, bu iddiasını konkret faktlarla əsaslandırmalıdır. Çünki hicab taxmaq şagirdin bilik əldə etməsinə, intellektual inkişafına və müstəqil düşünməsinə mane olmur. Şagirdin elmi səviyyəsi və düşünmə qabiliyyəti onun geyimi ilə deyil, biliyi və bacarıqları ilə qiymətləndirilməlidir. Tənqidi düşüncə uşağa nəyi düşünməli olduğunu diktə etmək deyil, müstəqil nəticə çıxarmaq imkanı yaratmaqdır. Həqiqi təhsil azadlığı yalnız müəyyən dünyagörüşünü qəbul edənlərə deyil, bütün uşaqlara aid olmalıdır. #Azərbaycan Abunə olun 🟢 Ar-Rad GA