⚡️Аҿар азанааҭ алхраҿы ирыцхраауа алекциақәа еиҿкаан Аԥсны аҵара аминистрреи Урыстәылатәи аиҿкаара «Адырреи» ашкол-интернатқәа рҿы аҵара зҵо аҵаҩцәа рзы азанааҭ алхразы апрограмма мҩаҧыргеит. Ҩымчыбжь ирылагӡаны Очамчыра, Аҟәа, Гәдоуҭа, Гагра араионқәа рҿы Аԥсны ашколқәа рҵаҩцәа 150-ҩык рзы 10 инареиҳаны аинтерактивтә лекциақәа мҩаԥган. Алекциақәа раан аҵаҩцәа IT, амедицина, аенергетика, ааглыхра, ақыҭанхамҩа уҳәа ԥхьаҟатәи азанааҭқәа ртәы еилыркааит. Ахәыҷқәа аматериал даара аинтерес рзаҵаны иҭырҵаауан, азҵаарақәагьы ықәдыргылон. Аӡәырҩы рзы, арҭ алекциақәа аатрак иаҩызахеит, — ҳәа наҵшьны иазгәалҭеит аҵара аминистрра аҵарадырра аҟәша аиҳабы Гәында Гәымԥҳа. Апроект қәҿиарала амҩаҧгара уи хра шалоу шьақәнарӷәӷәеит. Аԥсны аҵара аминистрреи Урыстәылатәи аиҿкаара «Адырреи» ари апроект анаҩсгьы иацырҵоит! 🇷🇺 🇷🇺 📺 Instagram | YouTube | Facebook