🇷🇺 🇷🇺 Искандер ибызшәа, икультура, иҭынха Аҟәа еиднакылеит Аԥсни Урыстәылеи рҵарауаа «Акультурабжьаратә коммуникациа: аимадарақәеи аимакқәеи» абас ахьӡуп Аԥснытәи аҳәынҭқарратә университет аҿы имҩаԥысуа IV жәларбжьаратәи астол гьежь. Ари апроект еиднакылеит Аԥсни Урыстәылеи рҟынтәи иналукааша аҵарауаа-афилологцәа. Дара ззааҭгыло атемақәа иреиуоуп акультуратә диалоги ахатәы бызшәақәа рыҿиареи. Афорум ахҭыс хадақәа: 🔺 амонографиа ҿыц. Адыгатәи аҳәынҭқарратә университети Аԥснытәи аҳәынҭқарратә университети еицырҩыз аҭҵаарадырратә усумҭа «Абызшәа. Акультура. Аимадарақәа» аӡыргара мҩаԥган. Уаҟа хшыҩзышьҭра аҭоуп аԥсуа, адыга, аурыс культурақәа злеиԥшым аҷыдарақәа. 🔺 амилаҭтә культура алкаара. ААУ аҵарауаа Фазиль Искандер ирҿиамҭақәеи, Владислав Арӡынба ихаҿреи, аԥсуаа ркультуратә коди ирызкны имҩаԥыргаз аҭҵаарақәа ирылацәажәеит 🔺 Москватәи аҳәынҭқарратә университети А. Пушкин ихьӡ зху аурыс бызшәа аинститути рҟынтәи аҵарауаа апрезентациақәа ҟарҵеит Авторцәа аурыс, адыга, аԥсуа лингвистикатә культурақәа ретно-менталтә ҷыдарақәа рцәырҵра апарадигмақәа ахшыҩзышьҭра рырҭеит, — ҳәа азгәалҭеит ашәҟәы авторцәа руаӡәк Белла Ахьыџьак. Аиԥылара иалҵшәаны иҟалоит аҭҵаарадырратә еизга ҿыц аҭыжьра. Абҵарамза 12-13 рзы иааԥхьоу апрофессорцәа Аԥснытәи ауниверситет астудентцәа рзы иаарту алекциақәа ирыԥхьоит ❗️ 📺 Instagram | YouTube | Facebook