🏢Бадра Гәынба Никарагәуа ацхада имшира идиныҳәалеит. Аҳәынҭқарра Ахада Бадра Гәынба Даниель Ортега изишьҭыз адныҳәаларатә шәҟәаҿы иаҳәоит: Ҳаҭыр зқәу Ортега! Шәымшира инамаданы гәык-ԥсык ала адныҳәаларақәа шәыдышәкыл. Шәара иналукааша аҳәынҭқарратәи аполитикатәи усзуҩуп, шәыԥсҭазаара ажәлар рымаҵ ауреи Никарагәуа аҳәынҭқарратә шьақәгылара арӷәӷәареи иазышәкит. Шәара акыр шықәса раахыс ишәымоу аполитикатә ԥышәеи, шәтәыла аинтересқәа рыхьчараҿы ишәымоу агәацԥыҳәареи ҳаҭыр ду рықәҵара ахәҭоуп. Аԥсны Аҳәынҭқарраҿы аҵак ду арҭоит Ареспублика Никарагәуеи ҳтәылеи реимабзиаратә еизыҟазаашьақәа. Ҳара ҳҳәынҭқаррақәа рыбжьара аҳәынҭқаррабжьаратәи аимадарақәа рыҿиареи рырӷәӷәареи рҿы Шәара хаҭалатәи шәлагала даара ахә ҳаракны иаҳшьоит, урҭ анаҩстәи рыҿиареи еиуеиԥшым ахырхарҭақәа рыла аусеицура арҵаулареи ҳазҿлымҳауп. Ари аныҳәа аҽны ишәзеиӷьасшьоит агәабзиара, аманшәалара, агәамч, шәҳәынҭқарратә маҵзура аҿы ақәҿиарақәа, иара убас Никарагәуа ажәлар аҭынчреи аизҳазыӷьареи рзиӷьасшьоит. 📺 Instagram | YouTube | Facebook