👀 Аҵара-лашароуп: Аҟәатәи аҳәынҭқарратә коллеџь аҿы «Аԥсны аҭоурых» азы арҵаҩцәа-амҩақәҵаҩцәа рзанааҭтә дыррақәа рышьҭыхразы акурсқәа мҩаԥысуеит Апроект аҩбатәи ахәҭа, еицеиҿыркааит аҳәынҭқарратә университет аҿы иҟоу аспециалистцәа рҵарадырреи реиҭазыҟаҵареи рзы ацентри аҵарадырра аминистрреи.Уи Аԥсны ашколқәа зегьы рҟынтәи 53-ҩык арҵаҩцәа еиднакылеит. 📌Амчыбжь иалагӡаны, арҵаҩцәа алекциақәеи иаарту аиҿцәажәарақәеи рхы рыладырхәуеит. Аҳәынҭқарратә коллеџь адагьы, акурсқәа мҩаԥгахоит Аԥснытәи аҳәынҭқарратә музеи, В. Арӡынба ихьӡ зху «Ахьӡ-аԥша» амузеи, Аҟәатәи абаа ашҭаҿи. Ашколқәа рҿы Аԥсны аҭоурых иҵегьы инарҵауланы иҭҵаатәуп, убри азоуп аҵарадырра аминистрра арҵаҩцәа-амҩақәҵаҩцәа рзы акурсқәа рымҩаԥгара азы аӡбара заднакылаз, — ҳәа азгәалҭеит ААУ аҿы аҵарадырра аизырҳаразы ареспубликатә центр аиҳабы Медеа Ченгелиаԥҳа. 📺Instagram | YouTube | Facebook