🕊️ Ақьиара ашкол аҿы ииуеит Абҵара 13, Адунеизегьтәи ақьиара амш аҽны, ареспублика ашколқәа рҿы традициала ишаҧу еиҧш «Ақьиара аурокқәа» мҩаԥысуеит. Акультуратә-гәыҳалалратә фонд «Ашана», Аԥсны аҵарадырра Аминистрра ацхыраарала ари зымҽхак ҭбаау аусмҩаԥгатә ду еиҿнакаауеит 2014 шықәса инаркны. Иаҳзыԥшузеи? 🔺иҷыдоу алекциақәа: аҟазацәа, амузыкантцәа, аполитикцәа, ауаажәларратә усзуҩцәа аклассқәа рахь рааҧхьара, ахәыҷқәа арыцҳашьареи аҭакԥхықәреи ртәы рзеиҭаҳәара 🔺убасгьы имҩаҧыргоит афестивальқәа, аконцертқәа, аицлабрақәа, агәыҳалалратә цәыргақәҵақәа ❗️Абилеҭқәа рыҭира аҟынтәи идырҳауа аԥара зегьы афонд «Ашана» зхылаԥшуа ичмазаҩу ахәыҷқәа рыхәшәтәрахьы идәықәҵахоит. «Ақьиара аурокқәа» есышықәса атәыла ашколқәа зегьы еиднакылоит ✨ 📺 Instagram | YouTube | Facebook