✨🎭Атеатр аҭоурых аԥсы ахьҭало ҭыԥуп Адунеизегьтәи аԥсуа-абаза конгресси С. Ҷанба ихьӡ зху Аԥсуа ҳәынҭқарратә драматә театри еицырзеиԥшу апроект «Ахәылԥаз атеатр аҿы» иабзоураны, ақыҭа Лӡаа ашколхәыҷқәа атеатр аҩнуҵҟатәи адунеи џьашьахәы рзаадыртит. Ахҭыс шыҟалаз: 🔺Аԥсны зҽаԥсазтәыз ажурналист, актриса Елеонора Коӷониаԥҳа ахәыҷқәа атеатр аҭоурыхи аетикети рымаӡақәа рзаалыртит, акультуратә хәышҭаара аҩнуҵҟа даара аинтерес зҵаз аныҟәара рзымҩаԥылгеит 🔺Ахәылԥаз ахыркәшахеит Кавказтәи аибашьра ашьҭахь аԥсуа жәлар рԥеиԥш иазку, аспектакль «Амҳаџьырцәа» ахәаԥшрала Ари ахәылԥаз хымԥада ахәыҷқәа ргәаҿы иаанхоит, избанзар, атеатр аҭоурых аԥсы ахьҭало ҭыԥуп!💫 📺 Instagram | YouTube | Facebook