Аԥсны аерманцәа реилазаара ас еиԥш иҟоу апровокациақәа иахьрықәыӡбо, ауаажәларраҿы аимак-аиҿак алхразы аҽазышәарақәа ахьрыдрымкыло акырӡа аҵанакуеит Аҳәынҭқарра Ахада Бадра Гәынба ихы алаирхәит есышықәсатәи Амшентәи аерманцәа ркультуреи рыбзазареи рфестиваль «Амшен». Аҳәынҭқарра ахада ауаажәларра рыбжьара агәынамӡара цәырызгаз аҭыжьымҭа «Амшын Еиқәа аҿықәынтәи аерманцәа» иадҳәаланы иҟоу аҭагылазаашьа далацәажәеит. Бадра Гәынба иазгәеиҭеит, ари акьыԥхьымҭа ашәҟәы ҳәа азҳәара шыуадаҩу, насгьы ас еиԥш иҟоу апровокациақәа иаразнак ишаанкылалатәу. Ажәашықәсақәа рыҩнуҵҟа ишьақәгылоз — аиҩызареи, аигәылара бзиеи, аҳаҭырқәҵареи рыбзоурала иҟоу аҭынчра аилагаразы аҽазышәарақәа зегьы ӷәӷәала ишрықәыӡбалатәу. 📺Instagram | YouTube | Facebook