⚡️Аусеицура арӷәӷәара: Бадра Гәынба Краснодартәи атәылаҿацә ахада Вениамин Кондратиев диԥылеит Урыстәылатәи аделегациа Аԥсныҟа аара азкәуп аимадарақәа рырӷәӷәареи, ихадоу, ҩганк еицырзеиԥшу апрограммақәа рынагӡашьа ахәаԥшреи. Аҳәынҭқарра ахада асасцәа иаадырԥшуа азҿлымҳаразы ҭабуп ҳәа реиҳәеит, иазгәаиҭеит иуадаҩыз аамҭақәа раан Ҟәбан еснагь Аԥсны адгылара шанаҭоз атәы. Ихадоу: 🔺аекономикеи ахәаахәҭреи. Иҳаҩсыз ашықәс азы арегионқәа рыбжьара ахәаахәҭра 10 миллиардк мааҭ рҟынӡа инаӡеит, ҳазҭоу ашықәс актәи абжазы уи 4 миллиардк мааҭ иреиҳахеит 🔺атуризм. Аҟәатәи аҳаиртә баӷәаза аусуреи, атуристтә дәыӷбатә маршрут ҿыц ахацыркреи аимадарақәа рыҿиаразы алшара ҿыцқәа аԥырҵоит 🔺Аҟәа аинфраструктура. Краснодартәи атәылаҿацә ахахьы иганы аиҭашьақәыргылара иаҿуп ақалақь аԥшаҳәаҿы иҟоу асқьала - аобиект аусура иалагоит ҳазҭоу ашықәс анҵәамҭазы 🔺асоциалтә хырхарҭа. Ҳазҭалоу ашықәс жьырныҳәамзазы Аҟәатәи ахәбатәи абжьаратәи ашкол акапиталтә ремонт хацыркхоит, хазы иргылахоит ашколхәыҷқәа рзы акрыфарҭагьы. Аусура ахырқәшара азгәаҭоуп 2027 шықәсазы Ҳтәылаҿы имҩаԥырго апроектқәа рзы Бадра Гәынба Краснодартәи атәылаҿацә анапхгареи ауааԥсыреи иҭабуп ҳәа реиҳәеит. Агәра диргеит, Аԥсны, ахырхарҭақәа зегьы рыла ганрацәалатәи аусеицура арҿиара ишазыхиоу азы 🇷🇺 🇷🇺 📺 Instagram | YouTube | Facebook