🏢 Аҳәынҭқарра Ахада аминистрцәа Реилазаара аилатәара мҩаԥигеит, Россотрудничество аиҳабы иабжьгаҩ аҳамҭа ианеишьеит Аусуратә еиԥылара аҳәаақәа ирҭагӡаны аҳасабырбақәа ҟарҵеит аенергетика аминистр Баҭал Мышәбеи, аҵарадырра аминистр Хана Гәынбеи, атуризм аминистр Асҭамыр Логәуеи. Ахырхарҭақәа зегьы рҿы иҟоу аҭагылазаашьазы аҳасабырбақәа: 📌Аенергетика 🔺Атәыла аӡынразы фымцала еиқәыршәоуп 🔺Иаҭаххар, хара имгакәа акоммерциатә фымцамч ахархәарахь аиасра алыршахоит 🔺Адәныҟатәи амзызқәа ирыхҟьаны, абылтәы ахәԥса ҳаракуп, аха атәылаҿы иахәҭоу аҭаҵәахқәа ыҟоуп 📌Аҵарадырра 🔺Англыз бызшәала имҩаԥысуаз Жәларбжьаратәи агеографиатә олимпиадаҿы ҳашколхәыҷқәа алҵшәа бзиақәа аадырԥшит 🔺Ашколхәыҷқәа акрыфара ԥха ала реиқәыршәара иазку апрограмма активла анагӡара мҩаԥысуеит: 66 школ афатә ԥхала еиқәыршәоуп, дук хара имгакәа еиқәыршәахоит даҽа 19 школ 🔺150-ҩык аспециалистцәа рзанааҭтә ҩаӡара ашьҭыхразы иҷыдоу акурсқәа ирхысит 📌Атуризм 🔺Ҳазҭоу ашықәс азы атуристцәа рхыԥхьаӡара акырӡа иацлеит 🔺Аԥсшьарҭатә аамҭахәҭа ацҵаразы ажәалагалақәа ҟаҵоуп, урҭ рҟны иарбоуп атуристцәа зҭаауа аҭыԥқәа рҿы иахәҭоу аҭагылазаашьақәа раԥҵара, урҭ русура аизырҳара 🎖Иара убас, Бадра Гәынба Аԥсни Урыстәылеи иреиҳаӡоу аҵареи аҵарадырреи русхк аҿы аусеицура арӷәӷәареи хаҭалатәи ллагалеи рзы Балажан Карчаева Ахьӡ-Аԥша аорден ахԥатәи аҩаӡара ланашьара азы Аусԥҟа инапы аҵаиҩит. 📺Instagram | YouTube | Facebook