🌐Ҳхәыҷқәа ацифратә хьчара — аҳәынҭқарратә приоритет ауп Иахьа «Иаку Аԥсны» апартиеи ааԥхьара змаз урыстәылатәи аексперт Наталиа Васекинеи «Ацифратә еилазаараҿы ахәыҷы: ахьчареи аҭакԥхықәреи» атемала астол гьежь мҩаԥыргеит. Ахшыҩзышьҭра аҭоуп еиҵагыло абиԥара аинтернет-ҵакыраҿы ршәарҭадара аиҿкаареи урыстәылатәи рколлегацәеи дареи рԥышәа аимдареи. 🎤Раԥхьа дықәгылеит апартиа ахантәаҩы Алхас Барзаниа, иҳәеит ацифратә еилазаараҿы ахәыҷқәа рыхьчара ауаажәларра зегьы: аҳәынҭқарратә усбарҭақәа, асоциалтә институтқәа, иара аҭаацәарақәа еиқәшаҳаҭны уи ахырхарҭақәа рыла аусқәа шеицымҩаԥырго атәы. 📌Аиԥылараан алахәылацәа иазгәарҭеит, ахәыҷқәа зҭанагалаз Аԥсныи Урыстәылеи рцифратә ҵакырақәеи ирыцу ауадаҩрақәеи апроблемақәеи шеиԥшу, уи адагьы, урыстәылатәи рколлега урҭ рыӡбаразы мҩақәас иҟоу ртәы рыцеиҩылшеит. Ари астол гьежь — ахәыҷқәа адеструктивтә интернет-нырра рацәыхьчаразы ихаҭәаау асистема аус адулара алагамҭа ауп, агәра ганы иҟоуп алахәылацәа 🙌️️️️️️ 📺 Instagram | YouTube | Facebook