🕊️ Апполон Алмасхан-иԥа Гәыргәлиа игәалашәара Жьҭаарамза 19 рзы 74 шықәса дшырҭагылаз акыраамҭа ихьуаз ачымазара иахҟьаны иԥсҭазаара далҵит еицырдыруа ахирург, Ареспублика зҽаԥсазтәыз аҳақьым, Аԥсны Афырхаҵа Апполон Гәыргәлиа. 🕯Аџьынџьтәылатә еибашьра амш хьанҭақәа раан Апполон Алмасхан-иԥа хаҭала дрылахәын ҳажәлар рзы илахьынҵахаз ахҭысқәа. Ааԥсара ҟамҵакәа ихәыз аибашьцәеи аҭынч уааԥсыреи ацхыраара риҭон, Џьгьарда амедпункт еиҿикааит, аибашьра нҵәаанӡа уаҟа аус иуан, ахирурги анестезиологи рнапынҵақәа наигӡон. Иааирԥшыз агәымшәареи афырхаҵареи рзы ианашьоуп Аԥсны Афырхаҵа ҳәа ахьӡ. 🖋2025 шықәсазы Апполон Гәыргәлиа иҭижьит ҩ-томкны иҟоу «Амедицинатә терминқәа аурыс-латын-аԥсуа жәар». «Аԥсны аҭҵаарадыррақәа Ракадемиа ҳаҭыр зқәу адоктор» ҳәа ахьӡ ихҵоуп. Ауаҩ ду иуацәеи иҭынхацәеи гәык-ԥсыкала ҳшәыдышшылоит 🙏 📺 Instagram | YouTube | Facebook