🔬Аԥснытәи аҳәынҭқарратә музеи аҿы Амшын Еиқәа аӡаҵаҟатәи аҭҵаарақәа ирызку жәларбжьаратәи анаука-практикатә конференциа аатит Аԥсны азы ари атема апрактикатә ҵакы амоуп. Ҳаԥшаҳәа аҭоурыхи акультуреи рбаҟақәа рӷьырак аӡы аҵаҟа иҟоуп. Ас еиԥш инеиԥынкыланы иҭҵааӡамкәа иҟоу аобиектқәа аус рыдуламызар, ихьчамкәа иаанхоит. Урҭ ирызку аҭҵаарадырратә дыррақәа аҭахуп ҳреспублика ажәытәра аилкааразгьы, урҭ реиқәырхаразы аӡбамҭақәа рыдкыларазгьы, — ҳәа аҳәамҭа ҟаиҵеит Аԥсны акультура аминистр Даур Ақаҩба. Аконференциа аҳәаақәа ирҭагӡаны Аԥсныи Урыстәылеи рҟынтәи аҵарауаа иҟоу аусумҭақәа ҳацеиҩыршоит, иара убас 2025 — 2026 шықәсқәа рзы имҩаԥгаз Ареспублика аӡымҽхак аӡаҵаҟатәи археологиатә анализ алҵшәақәа ӡырыргоит. АТ адаҟьа: Instagram | YouTube | Facebook