✔️Аҟәа ақалақь ҭыԥқәак ӡыда иаанхаз иахьа, амш агәазы ӡыла аиқәыршәара еиҭашьақәыргылахоит Иахьа амш иалагӡаны ӡыда иаанхаз Аҟәа ақалақь ҭыԥқәак ӡыла аиқәыршәара азԥхьагәаҭоуп. «Аӡыканал» аусзуҩцәа уахгьы-ҽынгьы аус руеит уҳәар алшоит, аӡымҩангага аиҭашьақәыргыларазы аусура хадақәа нагӡоуп, ҳәа адырра ҟаиҵеит Аҟәа ахадара Амуниципалтә унитартә наплакы «Аӡыканал» аиҳабы Даур Паҷкориа. Ӡыгәҭеи Баслаҭеи ақыҭақәа, иара убас, Турбаза араион хыхьтәи ахәҭа ӡыла аиқәыршәара алзыршоз аӡымҩангага ааха аиуит цәыббра 30 рзы Кьалашәыр аӡиас аҟәарақәа рҭыҵра иахҟьаны. Аиҭашьақәыргыларатә усурақәа рымҩаԥгара аамҭазы ауааԥсыра рзы иааиԥмырҟьаӡакәа аӡыржәтә аагара еиҿкаауп. АТ адаҟьа: Instagram | YouTube | Facebook