Гәдоуҭатәи ашколқәа рҿы ахәыԥха шеиҿкаау гәарҭеит Гәдоуҭа араион ахада актәи ихаҭыԥуаҩ Валентин Ҭраԥшьи аҵара аҟәша анапхгаҩы Адамыр Ҳаразиеи ақалақьтә школқәа ахәыԥха аиҿкааразы ишазхиоу гәарҭеит. Ари Аԥсныи Урыстәылеи Аҵара аминистррақәа еицырзеиԥшу проектуп, ҷыдала алагарҭатә классқәа рҵаҩцәа рзы аус адулоуп. Апрограмма аҳәаақәа ирҭагӡаны ахәыԥха аиҿкааразы иахәҭоу зегьы рыла еиқәдыршәеит — ҳаамҭазтәи атехникеи, афатә аҟаҵаразы амаругақәеи инадыркны аҩнымаҭәеи ачысмаҭәеи рҟынӡа. Анапхгаҩцәа ашколқәа рдиректорцәеи дареи ирылацәажәеит ахәыҷқәа рыфатә анашьҭра аграфик, иҭышәынтәалоу амениу ашьақәыргылара. Апрограмма инагӡаны аусура иалагоит ашколқәа 66 рҿы. АТ адаҟьа: Instagram | YouTube | Facebook