Аԥсны аҳәынҭқарратә хортә капелла Москва х-концертк мҩаԥнагоит жьҭаарамза 8-10 рзы 🔺Жьҭаарамза 8 — Урыстәылатәи асахьаҭыхратә академиа Аколлектив ықәгылоит Урыстәылатәи асахьаҭыхратә академиаҿы Нугзар Логәуа хаҭалатәи ицәыргақәҵа аартраан. Уи Аԥсныи Урыстәылеи еидызкыло даҽа культуратә хҭыс лашаны иҟалоит. 🔺Жьҭаарамза 9 — Москватәи аконсерваториа Акапелла азыӡырҩцәа ирзыԥшуп Москватәи аконсерваториа Рахманинов изал аҿы. Ахәылԥаз ахҭыс хада — авиолончель азы асоната адунеитә премиера ауп, уи ӡыригоит автор ихаҭа, ахор асахьаркыратә напхгаҩы Нодар Ҷанба. 🔺Жьҭаарамза 10 — ВДНХ Аконцерт ду мҩаԥгахоит апавильон «Ҟазахсҭан», азал «Атриум» аҿы. Уи Аԥсны акультура Аминистрра ацхыраарала имҩаԥысуа агастрольтә тур иналукааша хыркәшамҭоуп. АТ адаҟьа: Instagram | YouTube | Facebook