Фиодор Емелианенко Аҟәа ақалақь аҿы самбо азы атурнир ааиртуеит Илегендартәу урыстәылатәи ақәԥаҩ, еилаԥсоу аиқәԥаразы ԥшьынтә адунеи ачемпион, аиқәԥаратә самбо азы жәынтә Урыстәыла ачемпион Фиодор Емелианенко Аԥсныҟа даауеит жьҭаара 3 рзы. Жьҭаарамза 4 рзы Аҟәа ақалақь аҿы имҩаԥгахоит самбо азы жәларбжьаратәи атурнир, уи ҳаҭыр зқәу сасны даҭаауеит Фиодор Емелианенко. Ақәԥаҩ атурнир аартра ацеремониа далахәхоит, уи адагьы, алахәылацәа абжьгарақәа риҭоит. 📌Ақәԥаҩ аспортсменцәа ҿарацәа дрыҿцәажәоит, дызнысыз испорт мҩа атәы еиҭеиҳәоит, азҵаарақәа рҭак ҟаиҵоит, инапынҵа - сессиа мҩаԥигоит. Иара убасгьы, Фиодор Емелианенко Аԥсны иԥшьоу аҭыԥқәа дырҭаауеит. АТ адаҟьа: Instagram | YouTube | Facebook