Аиашьаратә республикақәа: Бадра Гәынба Аахыҵ Уаԥстәыла АҶА аминистр диԥылеит Аиааиреи Ахьыԥшымреи Рымш аҽны Аҳәынҭқарра Ахада дидикылеит Аахыҵ Уаԥстәыла иҷыдоу аҭагылазаашьақәа рзы аминистр Владимир Пухаев. Бадра Гәынба асас ас еиԥш аҵакы змоу амшқәа раан Аԥсны иҟазааразы ҭабуп ҳәа иеиҳәеит, иара убас, Аахыҵ Уаԥстәыла ажәлар ааигәа Аҳәынҭқарра Ахада Марат Камболов иалхра рыдиныҳәалеит. Ҳара ҳзы ари ныҳәа хадоуп. Убас ҭоурыхла ишьақәгылеит, Аахыҵ Уаԥстәыла ажәларгьы рхатәы дгьыл аҿы анхаразы иқәԥон. Иахьа ихьыԥшым ҳҳәынҭқаррақәа ҿиоит, — ҳәа азгәеиҭеит Атәыла Ахада. Владимир Пухаев Аахыҵ Уаԥстәыла Ахада иҟынтәи адныҳәаларатә шәҟәы даԥхьеит. Уаҟа инаҵшьны иазгәаҭоуп 1993 шықәса цәыббра 30 рзы аиааира аԥсуа жәлар ргәымшәара ишасимволхаз, иара убас, ҩ-республикак рстратегиатә партниорра анаҩстәи арӷәӷәаразы агәрагара шаарԥшу. АТ адаҟьа: Instagram | YouTube | Facebook