Иахьа, цәыббрамза 27 — Аҧсны аҳҭнықалақь Аҟәа ахы ақәиҭтәра иамшуп Ҳтәыла ақырҭуа архәҭақәа ралцаразы жәаҩа мшы ицоз аоперациа хыркәшахеит цәыббра 27 аҽны. Шьыбжьон аҳҭнықалақь Аҟәа ишьҭыхын аҧсуа ҳәынҭқарратә бираҟ. Иааихымсыҕьуа акыраамҭа ахысыбжьқәа гон. Уажәшьҭа зегьы еилыркаауан 413 мшы ицоз аибашьра ахыркәшарахь ишнеиуаз. Ари хҭыс дуун шәышықәсала ахақәиҭра иазықәҧоз аҧсуа жәлар рзы. Ҳаҭыр зқәу ателехәаҧшцәа, акыр иаҧсоу ҳветеранцәа, ишәыдаҳныҳәалоит Аҟәа Ахақәиҭтәра амш. Хашҭра рықәӡам зыҧсадгьыл зхы ақәызҵаз аҵеицәа фырхацәа. АТ адаҟьа: Instagram | YouTube | Facebook