🇷🇺Адәныҟатәи аусқәа рминистр Олег Барцыц Аиааиреи Ахьыԥшымреи Рымш аламҭалазы аныҳәатә дкылара даҭааит Уи мҩаԥысит цәыббра 23 рзы Москва. Уи аусмҩаԥгатә иалахәын Урыстәылатәи Афедерациа Ахада Иусбарҭеи Урыстәыла Адәныҟатәи аусқәа рминистрра апрофильтә департаменти рхаҭарнакцәа, адипмиссиақәа рхадацәа, ауаажәларреи аԥсуа диаспореи, иара убас, Аԥсны Адәныҟатәи аусқәа рминистрра анапынҵа ҷыдақәа змоу Ацҳаражәҳәаҩ Вито Гриттани. Ари аиааира ҳажәлар рзы даара зыхә ҳараку иааироуп. Ҳара иаҳгәалашәоит, ҳаҭыргьы рықәаҳҵоит ҳмилаҭтә ԥхьагыла Владислав Григори-иԥа Арӡынба икәша-мыкәша рҽеидкыланы ҳҳәынҭқарра ихьыԥшым амҩа иҳавагыланы изыхьчаз Аԥсны ахьчаҩцәа, — иҳәеит Олег Барцыц. Ахәылԥаз хыркәшахеит амилаҭтә ашәақәа рыла ишьақәгыла акультуратә программа ала 🇷🇺🇷🇺 АТ адаҟьа: Instagram | YouTube | Facebook