⚡️Алашара еиԥҟьарада: Астанциа маҷ "Алаҳаӡы" аиҭашьақәыргыла актәи ахәҭа хыркәшоуп Гагра араион аҿы мҽхакы ҭбаала аиҭашьақәыргыларатә усурақәа актәи ахәҭа хдыркәшеит. Уажәшьҭа ауааԥсыреи атуристцәеи аӡынгьы иҭышәынтәалоу афымцалашара роуеит. 🔌Хықәкыла иҟаҵоуп: 🔺+40 МВт: зымчхара ӷәӷәоу атрансформатор ҿыц ықәдыргылеит Аусурақәа зегьы анхыркәшахалак ашьҭахь агенерациа амчхара 20 МВт➡️80 МВт рҟынӡа ихалоит 🔺Иргылоуп акапиталтә хыбрақәа (ЗРУ/ОПУ) 🔺Инагоуп ҳаамҭазтәи 10 кВ иҟоу ҩ-даҷктәи ацәаҳәа Аобиект уажәтәи ақәыӷәӷәара 60% рҟынӡа инаӡоит, 40% аобиект ҿыцқәа раҿакразы узықәгәыӷша резервк аҳасабала иаанхоит. Аҩбатәи аетап аан ари аиқәҳәаларҭаҿы аенергодефицит азҵаара аҵыхәтәанынӡа иаҳаркуеит,— ҳәа азгәеиҭеит "Амшынеиқәафымцамч" адиректор хада Ҭемыр Џьынџьал. Ари аҳәынҭқарра ахада Бадра Гәынба Апарламент ахь инашьҭымҭаҿы дызлацәажәоз аҳақәа рырҿыцразы апрограмма ду иахәҭакуп. Аԥсны афымцалашара асистема шьаҿа-шьаҿала ҳаамҭа иақәшәо иҟалоит. АТ адаҟьа: Instagram | YouTube | Facebook