Къостайы рухс иу кæны зæрдæты: Донецкы ссардтой стыр ирон поэты ном #Къоста_167азы Горæт Донецкы Фæсивæдон тыгъдады уыд цытджын мадзал æмæ равдыст ирон литературæйы бындурæвæрæг, рухстауæг æмæ нывгæнæг Хетæгкаты Леуаны фырт Къостайы райгуырдыл 167 азы сæххæсты цытæн. Регионалон æхсæнадон организаци «Землячество Алании Донецкой Народной Республики»-йæн уый ссис æцæг нысаниуæгджын цау. Хетæгкаты Къоста у ирон адæмы сæууон стъалы. Уый æнустæм сбæрæг кодта æппæт дунейы ирæтты культурон код. Йе сфæлдыстад адæймагадæн ссис йæ адæмы æцæг уарзты эталон. Онлайн-форматы æрæмбырдуæвджытæн раарфæ кодтой Цæгат Ирыстонæй кадджын уазджытæ: РЦИ-Аланийы Национ ахастыты фарстаты фæдыл министр Багъиты Алан, министры уынаффæгæнæг æмæ Хæлардзинады республикон хæдзары разамонæджы хæдивæг Хъайтыхъты Тамарæ, сывæллæтты журнал «Ногдзау»-ы сæйраг редактор Сæлбиты Дианæ æмæ Ирыстоны Фысджыты цæдисы æмсæрдар Хозиты Барис. Дарддæр кæсын... @XurZaerin