AarTYK☀️

Генетик-учуонай, мед. наука кандидата Виктория Софронова интервью биэрдэ. Саха эдэр дьоно ыал буолан чэгиэн оҕо-уруу тэнитэр баҕалаах буоллахтарына - генетическэй ыарыыларга анаалыс туттарыахтарын наада диир. СВФУ клиникатыгар тоҕус ыарыыга скрин ылаллар эбит. -Бастаан кыыс туттарыан наада, - диир. - Өскөтүн биир эмэ ыарыыга анаалыһа баар диэн көрдөрдөҕүнэ, уола ол ыарыыга анаалыс туттарыан наада. Төрөппүт икки өттүттэн биир көрүҥ наследственнай ыарыылаах буоллаҕына, ыарыһах оҕо төрүүрэ 50%- ҥҥа тэҥнэһэр эбит. Ити улахан бырыһыан. Оччотугар эконан оҕо төрүөхтэрин сөп эбит. Экоҕа доруобай эмбрионнары маткаҕа угаллар, ыарыһах эмбрион сыыйыллар. Уопсайынан генетическэй ыарыыны оҕоҕор биэрбэккэ тохтотор ньыма баар эбит - генетическэй гигиена. Сахалар бэрэбиэркэлэнэн наследственнай ыарыыттан омукпутун лаппа ыраастыыр кыахтаах эбиппит. -Аҕыйахпыт, хаачыстыбаҕа охтуохтаахпыт, - диир эдэр учуонай кыыс. Виктория Японияҕа ординатураны бүтэрбитэ, докторскай степени Япония университетыгар көмүскээбитэ. Сэргэх кэпсэтии буолла дии санаатым. Саҥаны, сонуну биллим.