AarTYK☀️

Дмитрий Садовниковы кытары интервьюну дьон сүрдээҕин сэргээбит. Сэҥээрбиттэр уонна сорохтор соһуйбуттар. Дуоһунаһы буолбакка Киһини көрөн. Кырдьык, кэнники сылларга былааска автоматом аллергиялыыбыт. Хайдах эрэ рефлекс курдук буолбут. Онуоха төрүөт баар, аҕыйаҕа суох. Ол гынан баран былаас да, норуот да өттүттэн бэйэ бэйэбитин Киһи гынан көрөрбүт буоллар сыһыан лаппа тупсуох этэ. Киһитийии диэн ол буоллаҕа. Бу эмиэ тэбэр сүрэхтээх, сүүрэр хааннаах, хомойор-хоргутар, үөрэр-көтөр санаалаах дьоммут - бары биирбит диэн. Бэҕэһээ Красноярскайга портан таксинан таҕыстым. Төрөл нуучча киһитэ миграннары аҥаар кырыытыттан үөхсээн, соло булбат. Дьокуускайга 18 сыллааҕы миитини өйүгэр хатыы сылдьар. Биһиги ол ону бэйэбит да умуннубут быһыылаах. Билигин Киргизияҕа ыччаттарбыт олороллор, элбэх саха баран күүлэйдиир, сынньанар буолла. Бэйэ-бэйэни билсэн сыһыаммыт тубуста дии саныыбын. Киһини көрөн. Ол таксистка Киргизияҕа, Узбекистаҥҥа бара сырыт диибин. Олох ханна да барбаппын, барыам да суоҕа! диир😂. Киһи тоҕо тулатын барытын өстөөх курдук ылынарый? Кутталтан. Кини күннэтэ миграннары кытары такситыгар килиэбин былдьаһар эбит. Харчытын сүтэрдэҕинэ - кини дьиэ кэргэнин иитэр кыаҕа суох. Ол куттала. Онтон кини омуктары барытын абааһы көрөн барар, этиһэр, охсуһар. Туох баар табыллыбатаҕын буруйа - кэлии омуктар буолбуттар. Айа ди эмиэ күннэтэ хара сарсыардаттан хара киэһэҕэ диэри абааһыны илдьэ сырыт эрэ... Тула барытын абааһы көрө сырыт эрэ. Жертва психологията үтүөҕэ тиэрдибэт.